ولم أنساك
تناسيتك نعم لكن بقت فـي داخلـي ذكـراك
بقى في داخلي داخلـي بيتـك
أشوفك في وسط عيني وأغمضها عشـان امحـاك
وأشوفك داخل جفونـي إذا غمضـت .. ضمتـك
أضمك واشتكي طيفك على طيفك بدون إدراك
وأنا فـي غربتـي ليتـك تحـس بحالتـي ليتـك
نقشت أسمك على عرق النبض اللي فقـد يمنـاك
وإذا مر النفـس صـدري تذكرتـك وحييتـك
سنه مرت وأنا قلبي يعيـش بضيعتـه بحمـاك
بـدون أسبـاب لا تسـأل ليـا منـي تمنيـتـك
أهذي بك واغني بك .. أنا أهواك أنـا أهـواك
تحاكمنا على الفراق بدون أسباب يا مقسـاك
تخالفنا .. تعدينا الحـدود .. ورحـت خليتـك ..
ما من سبـب يشـرح نهايـة قصتـي ويـاك
تكبرت .. وتكبرت .. تحديـت .. وتحديتـك ..!
تفارقنا ودمعـات القهـر تخشـع علـى فرقـاك
مادام أن الغيـاب اللـي يداعـب غربتـي فتـاك
أمانـه لا تجاهلنـي .. وأنا للـوصـل ناديـتـك
صحيح أني تجاهلتك وخليتـك عشـان أنساك
ولكن والذي سـوى عروقـي .. بـس تناسيتـك
تناسيتك نعم لكن بقـت فـي داخلـي ذكـراك
بقى في داخلي حبك .. بقـى فـي داخلـي بيتـك ..
ليست هناك تعليقات:
إرسال تعليق